Tronditet sërish Turqia, një tjetër sulm me armë në shkollë, katër viktima dhe disa të plagosur

Një ngjarje e rëndë dhe tronditëse ka goditur provincën jugore të Kahramanmaraş në Turqi, ku një sulm me armë zjarri në ambientet e një shkolle të mesme ka shkaktuar humbje jete dhe dhjetëra të plagosur.

Sipas raportimeve fillestare nga transmetuesi turk NTV, të paktën katër persona kanë humbur jetën si pasojë e të shtënave, ndërsa rreth 20 të tjerë janë plagosur dhe janë transportuar me urgjencë në spitalet më të afërta për të marrë ndihmën mjekësore.