E fundit! Sherr mes dy grupeve të të rinjve në Vlorë, ndërhyn Policia, disa të shoqëruar!

Menjëherë pas njoftimit, në vendngjarje ka ndërhyrë fillimisht një efektiv i Krimeve të Rënda, i cili ka qenë pranë vendngjarjes, për të ndalur përshkallëzimin e situatës dhe për të vënë nën kontroll të rinjtë që po konfliktoheshin.

 

Më pas, në mbështetje kanë mbërritur edhe forcat “Shqiponja” si dhe patrullat e Rendit, të cilat kanë shoqëruar personat e përfshirë në konflikt për veprime të mëtejshme procedurale.

 

Konflikti rrezikoi të agravonte edhe më tej, por ndërhyrja e shpejtë e policisë bëri të mundur stabilizimin e situatës dhe shoqërimin e tyre me furgonë.

Policia po punon për zbardhjen e plotë të ngjarjes dhe motiveve që çuan në përplasjen mes të rinjve.