Një tërmet i fortë me magnitudë 6.4 ballë është regjistruar në rajonin e Rat Islands, pjesë e zinxhirit të Ishujve Aleutian në Oqeanin Paqësor.
Sipas të dhënave të publikuara nga Shërbimi Gjeologjik i Shteteve të Bashkuara (USGS), lëkundjet sizmike ndodhën më 4 mars 2026 në orën 17:54 UTC dhe u regjistruan në një thellësi rreth 10 kilometra.
Epiqendra e tërmetit ndodhej rreth 1198 kilometra në lindje të Petropavlovsk-Kamchatsky në Rusi dhe rreth 1000 kilometra në juglindje të Ust’-Kamchatsk Staryy, një zonë relativisht e izoluar në Paqësorin verior.
Deri në këto momente nuk ka raportime për dëme materiale apo persona të lënduar, pasi rajoni ku ndodhi tërmeti është kryesisht i pabanuar.
Ishujt Aleutian njihen si një nga zonat më aktive sizmike në botë, pasi ndodhen në kufirin mes pllakave tektonike të Paqësorit dhe Amerikës së Veriut, ku tërmetet janë relativisht të shpeshta.