Një incident është regjistruar mëngjesin e 9 marsit në Athens, ku një shtetas shqiptar ka shkaktuar panik në ambientet e zyrave të EFKA. Ngjarja ndodhi në një zyrë në rrugën e Pireut, në zonën e Omonia.
Sipas informacioneve paraprake, 61-vjeçari dyshohet se ka hyrë në zyrë dhe ka kërcënuar punonjësit me një thikë shkrimi dhe një stilolaps. Motivet e këtij veprimi ende nuk janë bërë të ditura.
Në vendngjarje kanë mbërritur menjëherë efektivët e policisë nga njësia DIAS, të cilët arritën ta neutralizonin dhe ta arrestonin pa u shkaktuar lëndime personave të pranishëm.