2
Në seancën e parë nuk ishte i pranishëm kryebashkiaku i Tiranës, Erion Veliaj. Gjykata konstatoi se ai ishte njoftuar zyrtarisht për datën e gjyqit përmes administratës së burgjeve.
Veliaj kishte depozituar një deklaratë me shkrim ku njoftonte se nuk do të paraqitej në seancë. Ai argumentoi se nuk ishte zhvilluar një seancë paraprake dhe se nuk ishte njohur me materialet e dosjes.
Gjithashtu, Veliaj nuk kishte caktuar një avokat mbrojtës në dokumentin e dorëzuar. Dy avokatë që e kishin përfaqësuar më parë, Ermir Beta dhe Artan Gjermeni, deklaruan se nuk e përfaqësojnë më pasi mandati i tyre ishte revokuar.